Skip to main content

pbrewer's blog

Alvoko al verkistoj

pbrewer's picture

Du konataj verkistoj de hajkoj en Esperanto, HIROTAKI Masaaki kaj Steven D. BREWER, vokas al esperantistaj poeziistoj kaj verkistoj por hajbunoj por nova libro Survoje al Esperantujo: Vojetoj al verda interno.

Legu la alvokon kaj mallongan priskribon de la projekto.

(Hajbuno aŭ "hajka prozo" estas literatura formo, kiu enhavas (kompreneble) kaj prozon kaj hajkon. Enkondukis la terminon japano Matsuo Bashō.)

by pbrewer

Novaj ŝercoj

pbrewer's picture

De tempo al tempo, mi afiŝas ŝercojn en mia persona esperanta blogo.

Ili estas tie, anstataŭ ĉi tie, ĉar mi komencis tiun ekzercon antaŭ la kreo de esperanto-usa.org, kaj mi volis afiŝi novajn ŝercojn kune kun la malnovajn.

Do, mi volas antentigi vin al la plej nova ŝerco: Leondresisto.

Kaj antaŭ al la aliaj lastatempaj ŝercoj.

Ĝuu!

by pbrewer

Ĉu ekzistas tia aro de teatraĵetoj?

pbrewer's picture

Mi serĉas aron de teatraĵetoj aranĝitaj (aŭ indeksitaj) laŭ la nombro de rolo.

Mi imagas, ke mia loka grupo povas uzi ĝin, por rapide trovi teatraĵeton kun samnombro de rolo kiel membroj kiuj ĉeestas.

Por nia uzo, ni preferus tre mallongajn teatraĵetojn (unu ĝis tri paĝoj, eble).

Ĉu iu konas tia aro?

by pbrewer

Novan ilon por komencantoj

pbrewer's picture

Mi ĵus trovis novan ilon por komencantoj: Facila Vento, retpaĝaro de facilaj artikoloj pri diversaj temoj. Oni ankaŭ laŭtegas la artikolojn, por ke oni ekzercu la aŭskultokapablon.

Artikoloj uzas nur vortojn kunmetitajn per la 700 plej oftaj radikoj el la Baza Radikaro Oficiala. Por tiuj, kiuj volas verki por Facila Vento, ili havas (nur por Vindozo kaj Linkso) ilon por marki aliajn radikojn.

Jen bona rimedo por kaj komencantoj kaj progresantoj -- kaj por tiuj, kiuj volas verki por ili.

by pbrewer

Lego-plano por Esperanto-literaturo?

pbrewer's picture

Ĉu vi scias kion mi deziras? Mi deziras lego-planon por la gravaj verkoj de la Esperanto-literaturo.

Iam, amiko diris al mi pri lego-plano por la Biblio. Estis libro de 365 ĉapitroj. Ĉiu ĉapitro enhavis malgrandajn elektojn el la Malnova kaj Nova Testamentoj, Proverbo, kaj Psalmo. Se oni legos en ĉiu tago po unu ĉapitro, oni legos la tutan Biblion dum unu jaro.

Mi deziras tian planon por Esperanto. Eble: Pense redaktitaj elektoj el iu krestomato. Ĉiu tago oni legus unu poeziaĵon, elekton el eseo, elekton el novelo aŭ romano-fragmento, kaj anekdoton. Tutan krestomation oni legus dum unu jaro—kaj gajnus konadon de la literaturo de Esperanto.

Jes, mi povus simple tralegi krestomation, sed la "pense redaktita" askpekto mankus.

by pbrewer

Bona novaĵo: La Bonlingva Vortaro

pbrewer's picture

Ĉar mi preferas uzi bonan, fundamenton vortprovizon, la Bonlingva Vortaro tre plaĉas al mi.

Ilia havas la ĝustajn principojn. Jen:

Donu preferon al kunmetitaj anstataŭ novradikaj terminoj kiam tio eblas sen troa perdo de la intencita signifo kaj precizeco.

Donu preferon al Fundamentaj kaj oficialaj elementoj, kiam ne estas tre bona kialo por malpreferi ilin.

Bonege!

by pbrewer

Ne NASK, sed...

pbrewer's picture

Lastajare kaj refoje ĉi-jare mia frato kaj mi konsideris iri al NASK, sed ne povis: Mankas kaj tempo kaj mono. Ni tamen volas plibonigi nian esperantan kapablon. Do, ni decidis, ke ni faru ion, eĉ se ĝi ne estas NASK.

by pbrewer

Monforma arto (artforma mono?)

pbrewer's picture

Artisto Daniel Salomon presentis art-projekton "Sennacia Banko" kie oni povas aĉeti "Monon" Esperanto-temitan. La projekto eble interesus ekonomistojn, artistojn, kaj Esperantistojn. Kaj la monbileto-artaĵoj estas tre, tre belaj:

(Klaku por vidi la projekto-paĝon.)

Mi preferus, se li uzis spesmilojn anstataŭ "monoj," sed eble la ĝusta signifo maltrafas min. Tamen, mi ŝatas la rezulton.

by pbrewer

Novaĵletero pri usona ekonomio?

pbrewer's picture

Dum la malfruaj 1980aj jaroj (kej, eble, la fruaj 1990aj) estis novaĵletero pri la usona ekonomio aboneble per ELNA. Laŭ mia kompreno, ĝi enhavis principe resumon de la ĵusaj ekonomiaj statistikoj de usono, kaj ĝi ekzistis principe por ellabori modernajn ekonomiajn termiojn.

Ĉu iuj memoras ĉi tiun novaĵleteron? Ĉu iu havas ekzemplerojn, aŭ ligon al rete atingeblaj tekstoj? Mi volas verki pri rilataj temoj, kaj volus vidi la tiel-ellaboritajn terminojn.

by pbrewer

Angla-lingva afiŝo pro Esperanto-Tago

pbrewer's picture

Mi ĵus afiŝis mallongan angla-lingvan afiŝon je mia persona retpaĝaro:

Happy Esperanto Day.

Mi ankaŭ volas mencii alian angla-lingvan afiŝon pri la sukcesaj penoj de brita sciencfikcia verkisto Gareth D Jones, kiu volis aperigi du el liaj noveloj en Esperanto:

Gareth D Jones in Esperanto.

Feliĉan Esperanto-Tagon!

by pbrewer

NASK * 2014 jun 29 - jul 8 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 29-a de Junio ĝis la 8-a de Julio ĉe Viktorio, BC, Kanado, ĉe la Universitato de Viktorio.

EN English: The excellent North American Esperanto Summer Courses (NASK), will be happening from June 29 to July 8, at The University of Victoria, in Victoria, British Columbia, Canada.

UEA Seminario Por Aktivula Maturigo * 2014 jul 9 - 10 * Strategy

EO Esperanto: Ĉu plaĉas al vi varbi? La UEA-seminario pri Aktivula Maturigo (AMO) – N-ro 2, okazos je 2014 julio 9-10 ĉe Sidneo, Brita Kolumbio, Kanado.

EN English: Want to get the word out? The Seminar about Strategy and Practice for Informing North America Aktivula Maturigo (AMO) - number 2, will be happening 2014 July 9-10 en Sidney, British Columbia, Canada.

Komuna Kongreso * 2014 Jul 11 - 14 * Communal Congress

EO Esperanto: La Landa Kongreso okazos ĉe Sidneo, BC, Kanado, 2014 julio 11-14, kune kun la Tut-Kanada konferenco de la Kanada Esperanto-Asocio (KEA).

EN English: The Annual US Esperanto Congress will be in Sidney, British Columbia, Canada, 11 - 14 July, 2014, along with the Canadian Annual Congress of the Canadian Esperanto Association (KEA).

Poll

Which NASK is best for you?:

Current Bloggers

Premium Drupal Themes by Adaptivethemes