AMIKEMA's blog

www.change.org

AMIKEMA — Sat, 29 Nov 2008 08:10:21 +0000

Ĉu vi jam vizitis la retejon?
http://www.change.org/ideas/top_ideas
La propono por Esperanto en Usonaj lernejoj estas en la 6-a loko kaj estos prezentita al Barack Obama je sia inaŭguro se ĝi estas ankoraŭ en la plej alta dek tiam.
Bonvolu enkuraĝigi ĉiujn Usonajn Esperantistojn kaj siajn amikojn baloti, kaj komenti se ili volas.
Ni ne estas multaj sed ni estas en kontakto kaj nia strukturoj servos nin bone por esti videbla en tiu ĉi kampanjo.
Amike,
Penny Vos

Raporto pri FLANC en Berkeley

AMIKEMA — Tue, 11 Nov 2008 18:47:15 +0000

Karaj kolegoj,
Pasint-sabate mi prelegis pri la projekto "Linvolanĉilo" en la urbo Berkeley. Pli ol 300 geinstruistoj partoprenis la eventon "Konferenco de la Asocio de Instruistoj pri Fremdaj Lingvoj de Norda Kalifornio" (www.FLA-NC.org)
Bonŝance alia evento por universitataj studentoj ankaŭ okazis en la sama loko, do, tiuj junuloj ankaŭ vizitis nian budon! =)
Ok prelegoj okazis samtempe, bedaŭrinde, do mi feliĉiĝis pri la cheesto de dek geinstruistoj kaj du universitataj studentoj por mia prelego.

Fruktodona semajnfino por Esperanto!

AMIKEMA — Mon, 22 Sep 2008 05:53:59 +0000

Kia semajnfino! Ege fruktodona por Esperanto!

Ĝi komenciĝis vendrede. Du reprezentantoj de la San Diega grupo partoprenis la Internacian Tagon de la Paco ĉe loka katolika universitato (USD). Dek-tri partoprenantoj (universitataj studentoj) petis la unuan lecionon de la dek-leciona kurso. Ni eĉ renkontis aliajn Esperantistojn, Jan kaj ŝian edzon.

Hodiaŭ mi havis senkostan tablon ĉe la Amikeca Festivalo en la Parko Balboa. Multaj familioj partoprenis la festivalon kaj la Promenadon por Paco poste. Kompreneble mi kunportis Esperantan afiŝon dum la promenado tra la stratoj... =)

NASK Revenas al San Diego!!

AMIKEMA — Tue, 01 Jul 2008 19:17:16 +0000

Jen mi, bonŝanca partoprenanto de la ĉijara NASKa sesio.

Mia nomo estas Mar Kardenas kaj mi fakte loĝas en la NASK-urbo, Sandjego, aŭ Sun-diego laŭviaprefero…

Por mi, NASK komencis sabate, ĉar mia edzo kaj mi kolektis niajn du ekterlandajn gegastojn, Indu el Nepalo kaj Alain el Kanado. Ambaŭ tranoktis ĉe ni. Ni ĉiuj vespermanĝis ĉe la restoracio nomata “Dennis“, kaj multe babilis kun nia portugalaparolanta kelnero pri Esperanto tie.

Impresoj pri la 9a Meksika LK en Aguaskalientes.

AMIKEMA — Tue, 24 Jun 2008 20:55:53 +0000

Impresoj pri la 9a Meksika Landa Kongreso en Aguaskalientes.
(Por la revuo Lumo, skribis Milan Sveda el Kalgario)

Estis por mi feliĉa hazardo ke la Meksika Esperanto-Federacio (MEF) elektis datojn de 1ª ĝis la 5ª de majo 2008 por okazigi sian landan kongreson. Kun mia edzino, mi nome ĵus finis la dusemajnan latinamerikan kulturan programon “Internacionalización” en la ne tiom malproksima urbego de Guadalaharo.

Unu tago sur la Usona hospitalŝipo "Kompato"

AMIKEMA — Mon, 23 Jun 2008 23:26:43 +0000

Jen mirinda mesaĝo ricevita el unu el miaj geamikoj kiu laboras che la USNS Mercy (Usona hospitalŝipo "Kompato"). Mia amiko nun partoprenas homaman mision en la Pacifika Oceano, farante tion kion la Usona Mararmeo faras plej bone.
Respektplene,
Gary "LOU" Loutzenhiser - (Tradukita de Mar Loutzenhiser amikema@aol.com )

(Oriĝinala mesagho estis sendita sabate, la 7a de junio.)

Mia Tago Sur la Shipo USNS MERCY

Karaj Geamikoj kaj Familianoj,

Prelego pri Esperanto ĉe la Kultura Centro de Tihuana

AMIKEMA — Thu, 19 Jun 2008 17:16:27 +0000

Karaj,
Pasintsabate, Gilda Muñoz kaj mi prelegis pri Esperanto che la Kultura Centro de Tihuana, konata kiel La Pilkego. Unu el niaj ekskursoj dum la pasinta Landa Kongreso in Tihuana okazis tie. La filmo Gerda Malaperis ankaŭ estis montrata tie antaŭ tiu kongreso.
La ĉeestantaro ne estis granda, sed ni kolektis kontaktinformon de ĉirkaŭ 20 partoprenantoj.
Dank' al la laŭtparoliloj, ĉiuj kiuj estis en la konstruaĵo povis aŭdi niajn vortojn, eĉ se ili ne estis en la salono. =)

LA SEMO KIUN VI PLANTIS DAURE KRESKAS!

AMIKEMA — Sun, 01 Jun 2008 17:05:35 +0000

Karaj, E-USA-anoj,
Mi skribas ĉi tiun blogaĵon sidante ĉe ret- kafejo en mia amata urbo Tihuana.
Hodiaŭ estas la lasta tago de la dek-taga librofoiro ĉi tie.
Plaĉas al mi raporti ke dank' al la kuraĝuloj kiuj fidis min kaj ĉeestis la Landan Kongreson pasintjare, ekzistas nun pli da Esperantistoj en ĉi tiu regiono. unu el ili, S-rino Gilda Muñoz, iniciatis partoprenon en ĉi tiu foiro.
La afero estis, kaj ankoraŭ estas, pli ol nur "sukcesa", pli ol "fruktodona", eĉ pli ol "legom-dona" (Citaĵo de Vilĉjo Harmon).

Alia Sukcesa TKEK!

AMIKEMA — Mon, 14 Apr 2008 05:38:00 +0000

Estas kun granda ĝojo ke mi raportas pri la pasinta TKEK, kiu, laŭ mi, estis inform-plena kaj ege sukcesa!

Ni komencis per omaĝo al Don Harlow, estrata de Vilĉjo Harmon. Ĉi tiu programero estis unu el la ĉefaj kialoj mi partoprenis la kongreson! Don estis bonega amiko mia dum la mallonga tempo dum kiu mi konis lin. Anjo Harlow estis mia samĉambranino kaj ni parolis longe ĝis la mezo de la nokto pri Don kaj pri nia kara denasklando, Meksiko.

Poste, dank' al Andrea Montecue, ni lernis pri Dua Vivo kie oni povas havi Esperantajn aventurojn en virtuala spaco!

Paska di-servo sur kamiono!

AMIKEMA — Wed, 26 Mar 2008 00:48:57 +0000

Saluton!
Mia edzo, Gary kaj mi vizitis Thermal-Kalifornio-n dimanĉe.
Mi vestis min Michoakan-stile, kun mia tradicia "rebozo" (ŝalo) kaj ni ŝoforis dum du horoj kaj duono por ĉeesti ĉi tiun specialan di-servon.
La belaj sonoj de la indiĝena lingvo Purépecha de la Meksika ŝtato Michoakano, (kie mi naskiĝis, estis aŭdataj ĉie. Mi esperas ke oni decidu fari tian eventon ĉiujare! =)
Bel-vestitaj "Uarhis" (Purépecha virinoj) dancis sur la polvo-kovritaj stratoj antaŭ kaj post la di-servo.
Estis multe da "Viejitos" (Maljun-aspektaj dancistoj) de ĉiuj aĝoj kaj grandecoj.