Skip to main content

limako's blog

T-Ĉemizoj

limako's picture

Mi havis la ideon antaŭlonge fari t-ĉemizojn kun la nova grafika identigilo de nia organizaĵo, sed konstatis hodiaŭ ke nun estas la lasta minuto antaŭ la Landa Kongreso. Jen, mi enŝutis la bildon ĉe Cafepress kaj nun eblas mendi t-ĉemizojn (kaj golf-ĉemizojn!). Ankoraŭ eblas mendi kaj ricevi antaŭ la Landa Kongreso! Notu ke mi ricevas nenian profiton de aĉetoj.

by limako

Humphrey Tonkin ĉe nia loka grupo

limako's picture

Hieraŭ vespere, venis Humphrey Tonkin por renkonti nian lokan grupon. Ni kunvenis ĉe la domo de Julie Winberg kaj pasis agrablan vesperon en Esperantujo. Ni babilis dum kelkaj horoj pri multaj aferoj: pri kiel Humphrey lernis Esperanton, lia unua Esperanto kunveno en Parizo, la nuna furora diskuto ĉe la akademio (ĉu "nulo" estas pluralon aŭ ne), la lastatempa agado ĉe la NovJorka oficejo, la dismuntita skribmaŝino, la "rabitoj", la venonta Landa Kongreso, ktp.

by limako

Kial mi verkas Esperante

limako's picture

Lastatempe, mi partoprenas la nacia poemo-verkada monato. Dum aprilo mi provas ĉiutage verki hajkon esperante (kun angla traduko) kaj mi afiŝas ilin ĉe mia twitter-fluo. Mi antaŭlonge (ĉu vere dek jaroj?) verkis artikolon pri miaj Esperanto-hajkoj. Kaj mi vidis hodiaŭ tiun ĉi, kiu ne temas Esperanton, sed iu, kiu intence verkas en dua lingvo.

by limako

Landa Kongreso Proksimiĝas

limako's picture

La Landa Kongreso proksimiĝas! Hieraŭ, mi paĝis la kotizon, aĉetis la trajnbiletojn kaj luis la ĉambron. Mi kuraĝigas al ĉiuj aĉetu baldaŭ: la prezoj altiĝos baldaŭ! Mi menciu ke mi verkis artikoleton lastajare pri miaj spertoj ĉe Landaj Kongresoj. Venu!

En Masaĉuseco, la venonta lundo estas Patriota Tago. Nia loka Esperanto-grupo, kiu kunvenas lunde ĉiusemajne, faros Sennaciecan Feston por kontraŭstari la patriotan fervoron.

by limako

Forpasis Mauro La Torre

limako's picture

En aprilo, lastajare, mi pasigis tagon kun Mauro La Torre en NovJorkUrbo. Mi lernis hieraŭ per Facebook ke li estis forpasinta: Katalin Kovats afiŝis simple "Mi simple ne povas kredi, ke vi ne plu estas inter ni." Mi ĝojas ke mi ekkonis lin tiutage: li estis klera kaj bonkora homo kiu havis saman fakon kiel mi: scienca edukado. Ni vagis tien kaj reen tra la urbo kun kelkaj samideanoj. Ni babilis pri niaj landoj, familioj, kaj vivoj. Per Esperanto ni ja fariĝas unu rondo familia.

by limako

Bona kunveno kun skrablo

limako's picture

Rengejŝcelnukso: Bona vorto!Rengejŝcelnukso: Bona vorto!Estas en mia urbo Esperanto-grupo kiu kunvenas ĉiusemajne. Ni kunvenas vespere ĉar mi devas labori dum la tago. En apuda urbo, dum multaj jaroj, estas alia Esperanto-grupo, precipe de maljunaj virinoj, sed foje venas ankaŭ aliaj. Mi partoprenus (malgraŭ mi ne estas maljuna virino), sed ili volas kunveni dum la labortago (ĉar ili ne volas ŝofori dumnokte). De tempo al tempo, tamen, okazas ferio aŭ festotago kaj mi estas libera.

by limako

Nia Kunvenejo

limako's picture

Souper Bowl: La restoracio kie ni kunvenas en Amherst,Souper Bowl: La restoracio kie ni kunvenas en Amherst,Mi antaŭnelonge faris bildon de la restoracio kie nia loka grupo kunvenas. Bonega restoracio kiu havas kaj bonan supon kaj bonajn bierojn. Iom laŭta, sed ne tro laŭta. Se vi iam vizitas mian regionon, nepre kunvenu kun ni!

by limako

Arika Okrent answers questions in the NYTimes

limako's picture

Recently, the NYTimes offered a forum where people could ask questions that were then submitted to several experts in artificial languages, including Arika Okrent. (Arika Okrent is the author of In the Land of Invented Languages and will be speaking at the Landa Kongreso)

Today the answers have been posted and, if you want a warm and fuzzy feeling, go to the article, search for Esperanto in the text, and read the answers that Arika wrote -- almost all of the answers that address Esperanto were written by her. She has really hit a home run. You would be hard pressed to find a more thoughtful and nuanced presentation of Esperanto anywhere. Read more for some of choicer pieces.

by limako

Kurson proponis

limako's picture

Mi proponis instrui Esperanto ĉe UMass Amherst, kie mi estas profesoro. Oni proponis programon en kiu profesoroj povas oferti kursojn pri io ajn -- pri sia pasio -- do mi proponis Esperanton. Se oni akceptos ĝin, ĝi okazos venonta aŭtune. La studentoj kunvenos nur 50 minutoj semajne. Mia ideo estas uzi la libron Bonvenon en Nia Mondo kaj postuli ke la studentoj uzu lernu.net por sufiĉe regi Esperanton por legi la libron. Se sufiĉe da studentoj aliĝos la kurson, oni eĉ pagos min! Ni vidu -- kaj ne kalkulu la kokidojn tro frue.

by limako

Tertremo en Ĉilio

limako's picture

Post la terura tertremo en Ĉilio, mi zorgis pri mia kara amiko José Antonio Vergara, sed ricevis hodiaŭ epoŝton. Li sciigas ke li kaj lia familio fartas bone. Legu pli por vidi la mesaĝon kiun li sendis.

by limako

NASK * 2014 jun 29 - jul 8 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 29-a de Junio ĝis la 8-a de Julio ĉe Viktorio, BC, Kanado, ĉe la Universitato de Viktorio.

EN English: The excellent North American Esperanto Summer Courses (NASK), will be happening from June 29 to July 8, at The University of Victoria, in Victoria, British Columbia, Canada.

UEA Seminario Por Aktivula Maturigo * 2014 jul 9 - 10 * Strategy

EO Esperanto: Ĉu plaĉas al vi varbi? La UEA-seminario pri Aktivula Maturigo (AMO) – N-ro 2, okazos je 2014 julio 9-10 ĉe Sidneo, Brita Kolumbio, Kanado.

EN English: Want to get the word out? The Seminar about Strategy and Practice for Informing North America Aktivula Maturigo (AMO) - number 2, will be happening 2014 July 9-10 en Sidney, British Columbia, Canada.

Komuna Kongreso * 2014 Jul 11 - 14 * Communal Congress

EO Esperanto: La Landa Kongreso okazos ĉe Sidneo, BC, Kanado, 2014 julio 11-14, kune kun la Tut-Kanada konferenco de la Kanada Esperanto-Asocio (KEA).

EN English: The Annual US Esperanto Congress will be in Sidney, British Columbia, Canada, 11 - 14 July, 2014, along with the Canadian Annual Congress of the Canadian Esperanto Association (KEA).

Poll

Which NASK is best for you?:
Premium Drupal Themes by Adaptivethemes