MEKARO

Venu malkovri la ĉefurbon de Kanado dum MEKARO 2013!

La Mez-Kanada Renkontiĝo (MEKARO) estas ĉiujara turisma semajnfino kiu okazas en malsama urbo de Kebekio aŭ Ontario. Ĉi-jare MEKARO okazos en la bela ĉefurbo de Kanado, Otavo. Venu sperti amikan etoson kun kanadaj samideanoj en ĉi tiu unika dulingva ĉefurbo!

Kiam: 18-20 de majo, 2013
Kie: Universitato de Otavo, Otavo, Ontario, Kanado.
Aliĝilo kaj informoj: www.mekaro.ca

MEKARO-2012: 19-21a de majo, Kebeko

Jam ekfunkciis la retejo de MEKARO 2012: www.mekaro.ca. MEKARO estas la Mez-Kanada Renkontiĝo de esperantistoj, al kiu ni kore invitas ankaŭ ne-kanadanojn. Ĉiujare en majo (ĉi-foje, la 19-21an de majo) ni kunvenas alterne en malsama urbo en Ontario aŭ Kebekio, kaj ĉi-jare estas la vico de la urbo Kebeko (Kebekio, Kanado) por gastigi MEKAROn.

Pro ĝia ĉarmo, historio kaj beleco, Kebeko estas unu el la plej vizitataj urboj en Norda Ameriko. El ĉiuj urboj de Kanado kaj Usono, ĝi estas la sola, kiu konservis siajn malnovajn remparojn kaj aliajn defendajn fortikaĵojn. En 1985, UNESCO deklaris la malnovan urbon de Kebeko Monda Kulturheredaĵo.

MEKARO estas turisma semajnfino en Esperanto por lerni pri la gastiga urbo, gustumi la lokajn frandaĵojn (kaj bierojn), ekkoni novajn esperantistojn, revidi malnovajn amikojn kaj simple pasigi tempon en bela varma esperantista etoso.

Aliĝu nun! Vizitu la retejon www.mekaro.ca Por pli da informoj, skribu al informo ĉe esperanto.qc.ca.