ARE en bildoj

Jen kelkaj bildoj de la Aŭtuna Renkontiĝo:

Partoprenis proksimume 50 homoj, el kiu du-trionoj estis usonanoj kaj unu triono tute novaj partoprenantoj. (Kaj, meritas diri ke triono ankaŭ estis homoj de mia loka grupo).

Normando kaj Zdravka organizas ARE.

Ĉe Silver Bay estas labirinto kiun mi eltrovis pasintajare. Lucy kaj mi marŝis laŭ la labirinton denove ĉijare.

Estis multaj bonaj prelegoj, inter ili tre interesa prelego de Tomaso pri la Pakua lingvo: planlingvo kreita por la televida programo Lando de la Perditoj.

Plaĉas pri ARE kaj la bela etoso kaj la interesaj homoj kiuj venas, kiel Esther Schor (profesorino de Princeton kiu verkas libron pri la Esperanto movado) kaj Hoss Firooznia (la redaktoro de nia bulteno). Pri kio ili parolas?