Skip to main content

Survoje al la 2011 Universala Kongreso

limako's picture

Kiam mi instruis Esperanton pasintaŭtune, la universitato ne pagis min, sed provizis al mi iom da mono kiun mi rajtis elspezi por studado. Mi elektis elspezi ĝin por partopreni la Universalan Kongreson, ĉijare en Kopenhago. Mi frue aliĝis (en decembro) kaj aranĝis la flugadon kaj loĝadon (en marto).

Dum junio kaj julio, mi estis tre okupita. Mi vizitis la fraton kaj poste vojaĝis al San Diego por la kunsido pri NASK. Poste okazis la 30a datreveno de mia altlerneja diplomiĝo. Intertempe, mi notis ke mi neniam ricevis konfirmon pri mia loĝado. Mi sendis epoŝton al UEA kaj ricevis neniun respondon. Mi epoŝtis denove kaj ricevis nenion. Finfine, mi telefonis kaj tuj alparolis ulon kiu diris al mi ke ili neniam ricevis mian mendon por loĝado. La monon, ili ricevis, sed ne la mendon. Fuŝ'! La ulo diris ke li provos aranĝi loĝadon por mi kaj ke mi ricevos informon poste dum la tago. Post ioma tempo, mi ricevis ŝajne aŭtomata mesaĝo kiu diras ke oni traktas mian mendon sed ke mi atendu ankoraŭ konfirman mesaĝon, sed tion mi ne ricevas. Mi atendis dum la semajnfino kaj ankoraŭ nenion ricevis. Mi epoŝtis kaj nenion ricevis. Finfine, mi telefonis denove kaj la ulo diris al mi ke ĉio estis jam mendita -- la mesaĝo pri konfirmon estis simple bagatelaĵo de la aŭtomata respond-sistemo. Kaj poste mi ricevis plian epoŝtan respondon kiu diris "Mi konfirmas, ke ghi estas ghuste traktita. Oni atendos vin en la Hotelo Cabinn Metro. Ankau bankeda bileto estas mendita." Mi, do, tranvile preparis por mia vojaĝo al Kopenhago.

Mi veturis al Bostono kun la edzino per aŭto, facile trovis la aviadilon, kaj flugis unue la Islando kaj poste al Kopenhago. La flugoj estis glataj. Mi devis trapasi la landlimon en Islando -- la ulo ne eĉ alparolis min -- simple rigardis la pasporton kaj stampis ĝin. Kiam mi eliris kun la valizo de la flughaveno en Kopenhago, estis granda pordo por oni kiu havas nenion por deklari kaj mi simple tramarŝis ĝin. Facile.

Ĉiuj el la ŝildoj en kaj Reykjavik kaj Kopenhago estas aŭ bilingvaj (en la angla) aŭ nur en la angla! Mi trovis la fervojon, aĉetis bileton de maŝino (kiu havas anglajn klarigojn), trovis la ĝustan trajnon. Momente, mi timis mi estis elektinta la malĝustan trajnon, sed demandis al la trajnestro, kiu klarigis (en la angla) ke mi estis sur la ĝusta trajno kaj la haltejo kiujn mi serĉis, estis la dua. Kaj de la stacidomo, mi trovis la hotelon. Sed tie okazis problemon. Ĉe la hotelo, oni diris al mi ke mia nomo ne estis sur la listo.

La unua virino diris ke mi devis atendi ĝis ŝian estron alvenis. La dua virino (treege helpema virino) serĉis ĉion, kion ŝi ricevis de UEA kaj trovis nenion. Ŝi tre pardonpetis, sed diris ke eble mi telefonu al ili. Mia poŝtelefono ne funkcias en Danio, do ŝi telefonis per la hotela telefono. Neniu respondis. Mi atendis plian horon kaj telefonis denove. Ĉifoje, mi ricevis respondon, sed la respondo estis ke la respondeculo nun estas en Kopenhago kaj neniu tie povis helpi. Ili promesis telefoni al li por peti ke li trakti la aferon.

Intertempe, mi promenis al restoracio por matenmanĝi: mi ne havis vespermanĝon, do estis tre malsata. Mi trovis kafejon kiu preparis ovaĵon kun kokinaĵo kaj lardo. Bongustega. Oni servis ĝin kun iu eta stranga salato kaj du malgrandaj pecoj de pano. Poste, mi reiris al la hotelo kaj ili ankoraŭ aŭdis nenion de UEA. La virino ĉe la hotelo proponis ke mi aranĝu por mi mem ĉambron kaj, se UEA kontaktis ŝin, ŝi povus redoni la monon. Do mi tion faris. Estis bene duŝi min kaj surmeti sekajn vestaĵojn.

Poste, mi vagis en la ĉirkaŭaĵo. Esperantistoj alvenas kaj aliaj decidis iri al la urbocentro, sed mi volis resti pli proksime, do mi iris por kontroli la situon de la kongresjo kaj la apuda metro stacidomo. Mi renkontis paron ŝajne el Rusio, kiuj estis perditaj kaj ne havis mapon. Mi montris al ili la mapon en mia Moleskine urbo-libro kaj, kune, ni trovis la vojon al sia hostelo.

Post mi revenis al la hotelo, bona novaĵo! Oni vokis la hotelon kaj traktis la pagon por mia ĉambro. Mi eĉ aĉetis boteleton da vino por festi la momenton.

Nun mi sidas en la akceptejo de la hotelo kun mia komputilo kaj eta verda flago. Jam mi renkontis samideanojn de Brazilo, Bulgario, Finlando, Francio, Hispanio, Svedio, Urugvajo, Vjetnamio, kaj aliaj landoj. Mi provas resti veka ĝis proksime al la ĉiutaga endormiĝa horo. Estas malfacila kaj mi jam oscedas. Morgaŭ la kongreso komenciĝas!

by limako

Comments

Kopenhago

Lee Miller's picture

Mi audis ke la stratoj en Kopenhago estas tre komfortaj somere . . . vi povintus shpari iom da mono per dormado sub la steloj.

LM

July 22, 2011 by Lee Miller, 5 years 48 weeks ago

Eble...

limako's picture

Eble, sed ili ne estas tiom komfortaj sub la pluvo. :-)

July 23, 2011 by limako, 5 years 48 weeks ago

Contact us / Kontaktu Nin

Contact Us / Kontaktu Nin: eusa@esperanto-usa.org

Landa Kongreso * 2017 June 30 - July 3 * Annual Congress

EO Esperanto: La Landa Kongreso 2017 okazos en Raleigh, Nord-Karolino, Usono, 2017 ekde la 30-a de junio ĝis la 3-a de julio, 2017.
Retpaĝaro: https://landakongreso.org
Por aliĝi, vidu: Aliĝilo

EN English: The Annual US Esperanto Congress 2017 will be in Raleigh, North Carolina, USA, Jun 30 - July 3, 2017.
Website: https://landakongreso.org
To sign up, see: Registration

NASK * 2017 jul 4 - 13 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 4-a de Julio ĝis la 7-a de Julio ĉe Raleigh, Norda Karolino, ĉe la Universitato William Peace. Por vidi pli da detaloj aŭ aliĝi, klaketu ligilon NASK.

EN English: The excellent North American Esperanto Summer Courses (NASK), will be happening from July 4 to 13th, at William Peace University, in Raleigh, North Carolina. To see more details or sign up, click on NASK.

Poll

Which NASK is best for you?:

Current Bloggers

Premium Drupal Themes by Adaptivethemes