Skip to main content

Jughante libron lau kovrilo

Tim Westover's picture

Mi scias, ke oni aforisme neniam juĝu libron laŭ kovrilo, sed mi devas konfesi, ke la plejmulton de Esperantaj libroj mi taksas malbelaj. Ofte la kovrilaj ilustraĵoj estas amatoraj, la papero estas tro maldika, kaj / aŭ la bindaĵo disfalas dum legado. Troviĝas multaj hejmprintitaj krampfitaĵoj, kiuj tute ne aspektas librece, kvankam la enhavo estas sufiĉe bona.

En mia kolekto de Esperantaj libroj troviĝas nur kelkaj esceptoj -- la libroj de Stafeto, la kolekto de Literatura Mondo eldonita en Japanio (bindita per ruĝa silko), la unuvoluma Dia Komedio en kovrilskatolo, kaj nur malmultaj aliaj.

Esperantaj libroj ne devas elstari en librovendejo samkiel anglalingvaj libroj, kaj plej ofte ni aĉetas ilin rete / poŝte sen trafoliumo. Ĉu pro tio Esperantaj libroj ne devas esti okulofrapaj?

Kompreneble plej gravas la enhavo, sed ĉu gravas al vi la aspekto de Esperanta libro (kovrilo, paperkvalito, bindajho, litertiparo)? Kiuj Esperanto libroj, laŭ vi, estas la plej belaj?

by Tim Westover

Comments

Kaj kiuj la malplej belaj?

Lee Miller's picture

En la mala kategorio, mi povus nomumi kelkajn librojn kiuj trafas pro malbelo.

Por la unua premio, mi sugestas tri-libran kompleton el Bulgarujo: "Ek' al Leg'!" (temas pri du volumoj), kaj "Al Perfektigho!" La kovriloj estas el malbele blanka papero kiu similas lau tusho ial al neceseja papero--mola kaj velura. Interne ili estas mallerte presitaj. Tamen, la libroj mem estas tre bonaj kaj utilaj.

Por la dua premio, eble mi sugestus la "Bazan Literaturan Krestomation" de Hungara Esperanto-Asocio. Ankau ghi estas utila libro, sed la kovrilo estas el malbonkvalita papero, brile orangha, kaj la presado de la paghoj estis fushita.

Mi konfesu ke kiam mi rigardas mian bretaron de Esperanto-libroj, la plejmulto plachas al mi.

Lee

May 11, 2008 by Lee Miller, 6 years 28 weeks ago

Klasoj

limako's picture

Klare estas almenaŭ du klasoj da malbelaj libroj. Kelkaj estas simple fuŝe aŭ malaltkoste malbelaj. Aliflanke estas la intence malbelaj libroj, ekzemple La Kvin Virinoj de Amoro kiu havas du malsamajn bildojn presitaj sur la kovriloj en malsamaj koloroj, kvazaŭ estus unu el tiuj enigmoj en kiu vi trarigardus per kolora lenso por vidi la solvon superpresita per sensencaĵo. Eble la desgnisto ne povis decidi kiun bildon por elekti, do ili dedicis presi kelkajn bildojn samtempe! La libro estas tre interesa kaj pensiga, sed la kovrilo estas malbelega.

--
Steven BREWER

May 11, 2008 by limako, 6 years 28 weeks ago

Libroj

Lee Miller's picture

Nu, tiun chi libron mi neniam legis, kaj post vido de la kovrilo eble mi neniam faros.

Unu el la plej belaj libroj sur miaj bretoj--kaj unu el miaj plej shatataj--estas "El Japana Literaturo" (Japana Esperanto-Instituto, 1965). Ghi estas preskau perfekta modelo de bela kromkovrilo, bonkvalita bindajho, bone elektita litertiparo, kaj lerta enpaghigo. (Ghi ankorau trovighas en la katalogo de UEA; mi rekomendas ghin).

Alia tre bela libro estas "Sinjoro Tadeo" de Adam Mickiewicz, en la eldono de Eldonejo "Polonia" el Varsovio en 1955. Fortika tola bindajho, bela enpaghigo, bonaj ilustrajhoj, kaj rubena paghtenilo.

Ne estas dubo ke la kristana pregh- kaj kant-libro "Adoru" estas unu el la plej profesie presitaj libroj. Ghi haveblas en rugha tola bindajho, kaj nigra leda bindajho--ambau estas belaj.

Interesa--kaj lau mi bela--libro estas "Verkoj de FeZ" (Literatura Mondo, 1935). Temas pri poeziaj kaj prozaj verkoj de Felikso Zamenhof. Chiu pagho en la libro havas verdan kadron el folioj kaj tigoj, kvazau mezepoka manuskripto. Tio devis esti malfacila pres-tasko en tiu periodo inter la du mondmilitoj.

Mi ankorau cerbumas chu mi konas "plej belan" Esperanto-libron . . .

Lee

May 12, 2008 by Lee Miller, 6 years 28 weeks ago

Pri la aspekto de Esperantaj libroj

Allan Fineberg's picture

Mi emas kunsenti kun hoss. Verŝajne la eldonejoj kiuj ekzistas en Esperantujo tutsimple ne havas la rimedojn de aliaj, mondklasaj, eldonejoj. Pro tio multaj
E-libroj ne aspektas tre bele. Tamen por mi la plej okulfrapa libro en Esperanto ja estas la menciita farde Tim, Dia Komedio, elstara reprezentanto de nia libro-eldona kapableco.

May 8, 2008 by Allan Fineberg, 6 years 29 weeks ago

Ĝuste!

hoss's picture

Nu, mi mem ĉiam supozis, ke la ofte amatoreca aspekto spegulis la malriĉecon—aŭ eĉ provizorecon—de la necese malgrandaj E-eldonejoj. Supozeble, ĉar eldonado multe pli facilas nun, eĉ por malriĉaj eldonejetoj, baldaŭ finiĝos la epoko de ĉekomence disfalemaj Esperanto-libroj…. Sed bonkvalita bindaĵo per si mem ne solvas la problemon de aĉa kovrilarto, kompreneble.

Lastatempe la libroj el UEA, ELNA, Mondial, kaj Sezonoj ĉiuj aspektas altkvalite binditaj, sed tre malofte plaĉas al mi la elektitaj artaĵoj. Nu, la pomego sur la kovrilo de PMEG plaĉas, sed libro pri gramatiko ne bezonas multan ornamaĵon por esti prezentinda, ĉu ne?

Eble la plej bela, kiun mi ĝis nun vidas, estas la eldono de la Kalevala el Helsinko. Forta, malmola bindaĵo, dikaj folioj altkvalitaj, kun belega, iom antikveca kompostado. Do vestaĵo simpla kaj eleganta: ĝuste taŭga por literatura klasikaĵo.

La duan premion mi donus al Mil Unuaj Vortoj de EAB. Vere rava, bunta libreto—efektive ĉiel altkvalita, kun aparte elstaraj pentraĵoj. Sed ĉu bildvortaro ĝuste kandidatiĝu kiel Esperanto-libro?

May 7, 2008 by hoss, 6 years 29 weeks ago

NASK * 2014 jun 29 - jul 8 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 29-a de Junio ĝis la 8-a de Julio ĉe Viktorio, BC, Kanado, ĉe la Universitato de Viktorio.

EN English: The excellent North American Esperanto Summer Courses (NASK), will be happening from June 29 to July 8, at The University of Victoria, in Victoria, British Columbia, Canada.

UEA Seminario Por Aktivula Maturigo * 2014 jul 9 - 10 * Strategy

EO Esperanto: Ĉu plaĉas al vi varbi? La UEA-seminario pri Aktivula Maturigo (AMO) – N-ro 2, okazos je 2014 julio 9-10 ĉe Sidneo, Brita Kolumbio, Kanado.

EN English: Want to get the word out? The Seminar about Strategy and Practice for Informing North America Aktivula Maturigo (AMO) - number 2, will be happening 2014 July 9-10 en Sidney, British Columbia, Canada.

Komuna Kongreso * 2014 Jul 11 - 14 * Communal Congress

EO Esperanto: La Landa Kongreso okazos ĉe Sidneo, BC, Kanado, 2014 julio 11-14, kune kun la Tut-Kanada konferenco de la Kanada Esperanto-Asocio (KEA).

EN English: The Annual US Esperanto Congress will be in Sidney, British Columbia, Canada, 11 - 14 July, 2014, along with the Canadian Annual Congress of the Canadian Esperanto Association (KEA).

Poll

Which NASK is best for you?
one week ($800)
58%
two weeks ($1500)
13%
three weeks ($2100)
28%
Total votes: 523

Current Bloggers

Premium Drupal Themes by Adaptivethemes