Lingvo-helpantoj bezonataj ĉe Lernu

Kiam oni sukcesas je la meza ekzameno ĉe Lernu, oni rajtas esti lingvo-helpanto. Helpantoj respondas al mesaĝoj de studentoj -- kelkaj el la kursoj havas etan korespondan parton. Foje oni ankaŭ ricevas sciigoj pri tajperaroj, ktp, kiun oni povas ĝustigi. Surprizis min iomete vidi kiom malmulte da anglalingvanoj helpas je Lernu. Estas nur kvin aliaj homoj (krom mi) kiuj ofertas sin kiel lingvo-helpanto. El la aliaj, ŝajnas ke nur unu estas usonano. Kial aliaj ne helpas?

Mi iom dubas ke oni ĝenerale komprenas kiom valoras Lernu. Mi jam renkontis kelkajn homojn kiuj instruis al si mem la lingvon per Lernu. Ĝi estas tre bona instruilo. Universitataj kursoj ĉe UCSD kaj Stokholma universitato uzas ĝin kiel fundamenton. Ni devas subteni ĝin -- ĝi estas ege valora kaj estus granda perdo se ĝi malsukcesis.

Ni ankaŭ devas montri nin kiel organizaĵo ĉe lernu. Kiam komencantoj lernas Esperanton per Lernu, ili nun verŝajne havas nenian kontakton je membro de Esperanto-USA. Ni devas esti pli videbla tie por ke, post lerni Esperanton, oni havas la ideon ke la sekva paŝo estas membriĝi kaj partopreni landan kongreson. Se neniu el ni partoprenas, estas multaj komencantoj kiuj preterpasos E-USA.

Se vi ne ankoraŭ faris, faru la bazan kaj mezan ekzamenoj kaj petu ke ankaŭ vi estu lingvo-helpanto. La Majstro dankus vin.