La Birdo Gilligan

Laŭ mi, domaĝ' tre sencas tie. Mi pli respektas la PIV ol iu ajn ununura Esperantisto, k la defino "wish to keep intact" ŝajnas tre fuŝa al mi, kiam la plej ofta uzo estas "Domaĝe!"

Mi emus diri, Jes, domaĝo ja konvenas tiufraze.

La vorto “domaĝo” (aŭ “domaĝi”) estas iom malfacila, almenaŭ por mi. La signifo ne rilatas rekte al koncepto en la angla.

Laŭ PIV, la radiko estas substantiva:

domaĝ/o. Perdo aŭ difekto, kiun oni ne volus vidi, ne suferi. estas domaĝo, ke ni devas akiradi la mondon en tia maniero; post domaĝo venas saĝo; kia domaĝo!

En verba senco, PIV donas du difinojn de “domaĝi”:

1 Timi bedaŭrindaĵon, difekton, perdon pri io; deziri ŝpari, konservi, ne elspezi, ne difekti ion.

2 Timi malutili al iu, timi ofendi aŭ dolorigi iun, indulgi.

Laŭ Butler, la radiko estas verba:

domaĝ/i, wish to keep intact (unspoiled, whole); fear (think it would be a pity, wish not) to damage (lose, spend, spoil). 1 begrudge, withhold. 2 husband, look after, make the most of, spare, go all out for, leave no stone unturned, not boggle at, not shrink from. 3 be anxious about, concerned for, fear for. 4 have mercy on, pity, spare. 5 regret the loss or death of.

Butler ne donas difinon de substantiva “domaĝo.”

Por mi, ĉiuj sencoj estas tro malsamaj por troviĝi en unu vorto . . . kaj mi simple ne scias kiel/kiam uzi ĝin. Tial mi kutime ne uzas ĝin.

Tamen, en via poemo, la unua difino de PIV ŝajnas al mi pli-malpli taŭga.

LM