Home » Blogs » Robert L. Read's blog

NaNoWriMo venas!

Robert L. Read's picture

La plej klara signo de la sukceso de la movado estas la aro la literaturo legebla per e-o.

Mi pensas ke estas tre grave ke ni daŭre aldonu al ĉi tio libraro.

La monato de novembro estas "National Novel Writing Month":
http://www.nanowrimo.org/.
Ĉi tiu programo temas pri multaj homoj, laborante kune sed pri iliaj
propraj romanoj, por verki rankonton de 50,000 vortoj en unu monato.
Miaj sentoj pri la ideo de ĉi tiu estas miksataj. Mi ofte diskutas kun miaj amikoj ĉu la kreado de arto estas pli bone farata per la "mult-produkta" modelo aŭ la "alt-kvalita" modelo. Oni povas trovi bonajn ekzempojn de la sukceso de ambaŭ.

Ekzemple, "Dune", fare de s-ro Frank HERBERT, kaj "Cold Mountain" fare de Charles FRAZIER, ambaŭ bezonis dek jarojn por verki. Aliflanke, Stephen King verkas kvar romanojn jare. Oni povas argumenti senfine pri ĝi. Nuntempe en mia vivo mi emas pensi ke la "mult-produkta" modelo estas preferinda...eĉ se mi verŝajne ne atingas ĝin.

Lastjare, du uloj verkis romanojn esperante per NaNoWriMo:
Michael CAYLEY
kaj
Simmon KEITH. (Mi pensas ke mi renkontis s-ron KEITH ĉe la Esperanto-Klubo de Boulder. (Laŭ mia scio, neniu de la Boulder klubo aliĝas al ELNA.)

Spite ke mi tute ne havas la tempon, kaj ankaŭ spite de la fakto ke mi ne estas certa ke mi ŝatas la ideon de NaNoWriMo, la ideo fascinas min. Fakte mi nun laboras pri libreto por junuloj, kiun mi esperos eldoni angle kaj esperante....sed estas multe pli facile paroli pri libro, ol fini ĝin! Tial NaNoWriMo estas bona ideo por speco de ulo, kun speco de bezono instigi verkadon.

Do mi demandas miajn samideanojn: Ĉu interesas iun la ideo partopreni NaNoWriMo por verki romanon esperante? (Mi ne celas kunverki, sed labori kunlabore kaj amike dum novembro.)

Hej Robert! Mi nun verkas

Hej Robert!

Mi nun verkas esperante romanon, sed mi dubas ke mi havus aŭ tempon aŭ persistadon por skribi 50 mil vortojn dum unu monato. Post tri monatoj, la verkaĵo nur enhavas 8 mil vortojn.

Sed, per la verkado, mi lernas multe pri esperanto. Amiko kiu helpas min diris, "Mi rimarkis, ke la eraroj plidistiĝas!"

Nu, se mi povas lerni ĝuste la uzadon de la subjunkcio ...

~Dreah

Bonsxancon al vi....

Dankon pro la informo; estas tre bona ke vi komencis.

Eĉ se oni ne intencas partopreni NaNoWriMo, interesas min: kiu verkas?

-- Robert L. Read
read &t robertlread point net
Austin, TX, USA

  • By Robert L. Read at 2007-06-26 16:14
  • Login or register to post comments

Verkado

>interesas min: kiu verkas?

Mi verkas originale en Esperanto; plejparte mi verkas novelojn, kvankam mi komencis verki romanon dum NaNoWriMo en 2006.

  • By Tim Westover at 2007-06-29 03:33
  • Login or register to post comments

ĉu vi planas partopreni NaNoWriMo-on 2007?

Kaj, pardonu mian malscion, ĉu viaj noveloj estas eldonataj?

-- Robert L. Read
read &t robertlread point net
Austin, TX, USA

  • By Robert L. Read at 2007-06-29 19:35
  • Login or register to post comments

NaNoWriMo

Jes, mi planas partopreni denove ĉi-jare. Eble post ses au sep NaNoWriMoj mia romano estos finita!

Miaj noveloj aperis en Fonto (tiuj, kiuj premiiĝis en la Belartaj Konkursoj) kaj en Literatura Foiro. Ĉi-monate aperos alia novelo mia en La Ondo de Esperanto. La retejo de LOdE eble aperigos ĝin en la reto.

  • By Tim Westover at 2007-06-29 21:52
  • Login or register to post comments

tradukado pli ol originala verkado

Mi aktivas pri tradukado, sed ankoraŭ ne ofte verkas originalaĵojn. Tamen mi fojfoje verkas etajn poemojn. Ekzemple post lastatempa vizito al eta renkontiĝo de Esperantistoj en la pola urbeto Góra, mi estis subskribanta ilian gastlibron kaj subite inspiriĝis do aldonis poemeton:

  Bela nokta fest' ĉe Góra,
  Fajroj sub ĉielo pura.
  En mateno homoj lantas
  Dum la multaj ranoj kantas.

(Tuta raporto ĉi tie.)