Refoje pri la prepozicioj

Antaŭ du jaroj, mi afiŝis pri kelkaj frazoj kies prepozicio-uzo ŝajnis al mi stranga. Kelkaj homoj verkis bonegajn, klarigajn komentojn al tiu afiŝo, do mi refoje afiŝas pri tia afero.

Tiu ĉi venas de la plej nova (novembra) numero de Esperanto, en artikolo de Gabi Kosiarska:

Pri la ĉi-jara 20-jariĝo de la E-elsendoj de Radio Havano ni parolas jam de kelka tempo.

Temas pri tiu dua "de." Laŭ mia kompreno, oni uzas "de" por montri aŭ propreco aŭ fonteco--kaj "de kelka tempo" ne ŝajnas iu el ili.

La signifo, se mi komprenas, estas "dum iom da tempo" aŭ eble "ekde iu tempo." Sed, uzi "de" kun kvanto de tempo, anstataŭ punkto en tempo, ŝajnas stranga al mi. Fakte, tamen, oni ofte uzas "de kelka tempo." Google trovas 2450 uzojn (triono el ili "jam de kelka tempo").

Permalink