Ne plu klaku.net

Mi ĵus notis, ke klaku.net ne plu estas.

Mi uzis la ilon de tempo al tempo, kaj por informi la esperantistaron pri gravaj aŭ interesaj paĝoj kaj por trovi tiajn paĝojn. Ĝis nun--ĝis la fino, fakte--ĝi neniam fariĝis (por mi) grava ilo, sed ĝi havis tian eblecon, tial ĝia finiĝo estas perdo al nia komunumo.

Kio frapas min, tamen, estas ilia maldolĉa adiaŭa mesaĝo. Ili diras:

Ni daŭre ne komprenas kial la esperantistoj ne rimarkis la gravecon de KLAKU.net por la esperanta blogaro, sed ni ne povas fari plu, la komunumo agas libere.

Oni tro ofte trovas tiun pensmanieron en Esperantujo: Vi ne sufiĉe alte taksas mian laboron, do mi ĉesos miajn penojn kaj iros hejmen.

La sukcesoj en la esperanta mondo venas kiam homoj ne pensas tiel--kiam ili laboros pro kialoj internaj kaj daŭras sen zorgo pri kiel alte la esperanta blogaro taskas ties gravecon.

Do, la fino de klaku.net estas domaĝo, sed eble ne domaĝego.