Nek kokino nek ovo

Kara Steĉjo!

Interesa demando. Mi povas rakonti pri mia propra sperto. La plej okcidenta provinco de Kubo, Pinar del Rio, dum multaj jaroj ne havis E-movadon, malgraŭ tio ke en ĝi estis ĉiam tre forta kultura movado kaj edukema loĝantaro. Pro tio, la estraro de Kuba Esperanto Asocio decidis "eksporti" Esperanton okcidenten.

Dekomence, ni kondutis varbokampanjon uzante la lokajn komunikilojn: gazetartikolo, plurajn radioprogramojn, kc, kaj ankaŭ ni sendis rektajn letejon al ĉiuj institucioj kaj konataj intelektuloj pri kiuj ni pensis, ke ili povus havi eĉ la plej etan intereson pri Esperanto.

Poste ni interkonsentis kun loka lernejo por okazigi la unuan informan kunvenon de la interesitoj kaj kiam la tago alvenis ni enpaŝis en teatro kie sidis pli ol ducent homoj!

Ni disdonis informfoliojn, senpagan unuan lecionon, montris kaj eĉ vendis iom da lernolibroj kaj vortaroj kaj interkonsentis pri kiam ni ekinstruos ses-semajnan kurson. Dum la kurso, ni ankaŭ sukcesis organizi lokan klubon ktp. En tiu tempo estis vera sukceso por la E-movado.

Kio okazis pri Pinar del Rio kaj ties junega E-movado en la jaroj pasintaj (20 jaroj) mi tute ne scias, sed almenaŭ la metodo por ekaktivi estis tute valida kaj mi eĉ pretas kunlabori kun vi por venigi la Internacian Lingvon al St. Croix.

Amike,