Updates | Ĝisdatigoj Archives - Esperanto-USA

Guteto – Eldonejo de Esperanto-USA

Quintyn Bobb — Thu, 02 Apr 2026 14:14:58 +0000

Esperanto-USA starigas novan eldonejon, “Guteto”, por disvastigi aliron al Esperanta literaturo en kaj preter Usono.

Guteto eldonos novajn originalajn verkojn, edukmaterialojn por anglalingvaj lernantoj, kaj reeldonos klasikajn verkojn. La nova iniciato rekte subtenas la mision de Esperanto-USA por antaŭenigi la edukadon kaj diskonigon de Esperanto en Usono kaj pli vaste, per oferto de alireblaj verkoj por komencantoj ĝis spertuloj egale.

La projekto estis evoluigita en kunlaboro kun Stela BESENYEI-MERGER kiu gvidis ĝian konceptadon kaj strukturadon.

“Multege da aferoj entuziasmigas min rilate al la projekto: alirebligi klasikan literaturon al homoj kaj imagi la novajn diskutojn, komprenon, amikecojn kiuj formiĝos dank’ al komuna legsperto,” diris Stela BESENYEI-MERGER. “Mi vidas la evoluon de Guteto tiel, ke legi en Esperanto iĝos io tute kutima.”

Ŝi ankaŭ substrekis la inspiron malantaŭ la projekto: “La nomo Guteto honoras la laboron de Morojo. Ŝia envolviĝo en la sciencfikcia mondo estas ankaŭ aludo al nia unua projekto de Guteto. La verkoj de Morojo ekzistas por la komunumo. Ŝiaj zinoj estis invito al kunlaboro kaj kontribuis al instigo legi en Esperanto kaj kreeme kuraĝigis al engaĝiĝo. Mi esperas, ke la eldonejo sentiĝos simile por ni ĉiuj.”

La starigo de Guteto ankaŭ estas grava paŝo antaŭen por subteni la mision de Esperanto-USA, kun emfazo je alireblo kaj tutmonda atingo.

“Per Guteto, ni celas alporti la eldonlaboradon de Esperanto-USA en la 21an jarcenton. Ni povas uzi bitlibrojn por alirebligi altkvalitan Esperantan literaturon pli facile por legantoj tra la mondo, sen baroj kiel sendado, stokado, aŭ doganoj,” diris Brandon SOWERS, Prezidanto de Esperanto-USA. “Ni volas konstrui eldonejon, kiu samtempe konservas nian kulturan heredaĵon kaj subtenas la evoluon de nova literaturo.”

Por lerni pli pri la projekto kaj esti sciigita pri novaĵoj kaj venontaj eldonaĵoj, vizitu la oficialan paĝon de Guteto.

Lerni pliajn informojn sur la oficiala paĝo

Priaŭdi la projekton en Usone Persone

The post Guteto – Eldonejo de Esperanto-USA appeared first on Esperanto-USA.

Esperanto-USA anoncas komitaton pri sia 75a datreveno

Quintyn Bobb — Tue, 24 Mar 2026 01:32:35 +0000

L. L. Zamenhof ĉe la Universala Kongreso, 1910. Fonto: Wikimedia Commons.

Esperanto-USA anoncas la starigon de Komitato pri la 75a Datreveno de Esperanto-USA, okaze de sia grava datreveno en 2027.

Dum la estrarkunsido ĉi-marte, la estraro aprobis la specialan komitaton kiu celas elstarigi gravan jaron por Esperanto-USA. Tiu ĉi komitato kunordigos la festadon en 2027, inkluzive de la kreado de speciala emblemo, la preparado de ĝisdatigita eldono de A History of ELNA kun nova materialo pri 1905 – 1952, la elekto de historie signifaj lokoj por la Usona Kongreso de Esperanto en 2027, kaj la prilaboro de programo por festi kaj diskonigi la okazon. Ĝia ĉarto troveblas tie ĉi.

La jenaj fondaj membroj partoprenas en la komitato: Elle BECK, David BECK, Bradford SMITH, kaj Izaak ZAWYRUCHA-MOORE.

La laboro de la speciala komitato subtenas la daŭran mision de Esperanto-USA “antaŭenigi edukadon kaj diskonigon de la internacia lingvo.” Izaak ZAWYRUCHA-MOORE, komitatestro de la speciala komitato, firme kredas, ke la malkovro kaj edukado de la historio de la Esperanto-movado en Usono estas esenca por instrui, informi kaj gvidi la estontecon de la movado en la lando, precipe dum tempoj maltrankvilaj.

“Ni bezonas kelkajn entuziasmajn volontulojn, por ke ĝi estu neforgesebla.” diras Izaak ZAWYRUCHA-MOORE. “Se vin fascinas nia historio, de la saluto de Zamenhof en 1910 al nia “Lando de Libereco” en Vaŝingtono, D.C., ĝis fruaj kongresoj en lokoj kiel Madison, Viskonsino, kaj Sacramento, Kalifornio, jen via ŝanco por profundigi tiun intereson.”

Se vi interesiĝas pri volontulado kun tiu ĉi speciala komitato, kontaktu Izaak ZAWYRUCHA-MOORE ĉe izaak.zawyrucha@esperanto-usa.org.

The post Esperanto-USA anoncas komitaton pri sia 75a datreveno appeared first on Esperanto-USA.

Ĉi-jara Usona Kongreso de Esperanto

Quintyn Bobb — Mon, 23 Mar 2026 12:32:43 +0000

Esperanto-USA publikigis novajn detalojn pri siaj ĉefaj someraj eventoj por 2026 — la Nordamerika Somera Kursaro (NASK) kaj la ĉiujara Usona Kongreso de Esperanto — post pluraj semajnoj da ĝisfunda planado de organizantoj. Ambaŭ eventoj okazos en Cleveland, Ohio. Informoj nun haveblas pri vojaĝado al la eventoj, la historia fono de Cleveland, kaj loĝigaj aranĝoj.

NASK restos centra sperto por lernantoj de Esperanto, ofertante tutsemajnan mergiĝon en la lingvo. Partoprenantoj lernos, loĝos kaj sociumiĝos kune en plene Esperanta medio, kun fokuso al rapida progresigo kaj komunuma ligado.

La Usona Kongreso de Esperanto dum 2026 inkluzivos prelegojn, kulturajn aranĝojn kaj lokajn ekskursojn. La evento celas kunigi partoprenantojn el tra Usono kaj internacie por semajnfino de interŝanĝo kaj komunumo.

Pliaj ĝisdatigoj, inkluzive de la fina horaro kaj detala programo, estos publikigitaj baldaŭ.

Lerni pli sur la ĉefpaĝo de la kongreso

Kontakto: Kongresa Teamo – kongreso2026@esperanto-usa.org

The post Ĉi-jara Usona Kongreso de Esperanto appeared first on Esperanto-USA.

Subvencioj por lokaj kaj regionaj kluboj (nova petilo!)

Matt Brooks — Wed, 11 Feb 2026 00:30:15 +0000

Subteni klubojn: nia strategio, nia buĝeto, viaj ideoj

Esperanto‑USA kredas je simpla vero: la plej forta maniero kreskigi Esperanton en Usono estas per lokaj homoj, lokaj rilatoj, kaj lokaj agadoj. Kluboj kaj regionaj grupoj estas ofte la unua loko, kie komencanto sentas sin bonvenigita. Ofte lokaj amikoj varme spronas tiun komencanton daŭre lerni Esperanton…kaj, espereble, krome aliĝi al Esperanto-USA!

Tial, en la nuna buĝeto ni rezervis apartan sumon por subteni lokajn kaj regionajn klubojn. Kiel kasisto, mia rolo estas samtempe protekti la financojn kaj certigi, ke la mono reale servu la mision. Ĉi tiu subvencia programo faras ambaŭ: ĝi investas en la plej efika kanalo por engaĝi homojn, dum ĝi restas travidebla kaj respondeca.

Nova subvencipetilo

Por faciligi la procezon, ni lastatempe lanĉis simplan formularon. Vi povas peti subvencion per la nova subvencipetilo.

Por kiaj projektoj povas utili subvencio?

Subvencioj estas celitaj por konkretaj agadoj, kiuj plifortigas lernadon, videblecon, kaj komunuman engaĝiĝon. Pro tio, ke nia buĝetjaro koincidas kun la kalendara jaro, petoj devus subteni agadojn aŭ rimedojn dum tiu jaro. Se vi petas subtenon por spaco aŭ teknologiaj rimedoj, kiuj estas repagataj ĉiujare, la klubo devus peti subtenon ĉiujare se la bezono daŭras.

Jen kelkaj ekzemploj de taŭgaj projektoj:

luo de spaco por kunvenoj, kursetoj, aŭ publikaj programeroj
presitaj informiloj (afiŝoj, flugfolioj, enkondukaj gvidiloj)
bazaj materialoj por “provi Esperanton” aŭ informtablo ĉe loka evento
modestaj kostoj por informado kaj atingado de novaj homoj
teknikaĵoj necesaj por publika prelego aŭ hibrida kunveno (laŭ bezono)
Meetup abonkotizoj (aŭ similaj servoj) se la klubo ĉefe uzas ĝin por allogi novajn membrojn aŭ por komuniki eventojn al siaj nunaj membroj

Konsilo: plej bonaj petoj estas tiuj, kiuj klare montras (1) kion vi faros, (2) kiom ĝi kostos, kaj (3) kiel vi scios, ke ĝi sukcesis.

Kion ni serĉas en forta peto?

Ni volas esti justaj, konsekvencaj, kaj travideblaj. Kutime, forta peto:

Havas klaran celon (ekz. renkontiĝo‑serio, komencanta kurseto, publika prelego)
Enhavas realisman buĝeton (kio estas la elspezoj, kial ili estas necesaj)
Montras atendatan efikon (kiom da partoprenontoj vi atendas, kiom da novaj kontaktoj vi celas, ĉu sekvos plia agado)
Kongruas kun la misio de E‑USA: lernado, komunumo, kaj daŭripova ĉeesto

Respondeco sen troa burokratio

Ni volas, ke ĉi tio estu helpa por volontuloj — ne ŝarĝo. Samtempe, ĉar temas pri organiza mono, ni bezonas bazan respondecon.

Post la projekto, ni ĝenerale petos:

mallongan raporton (kio okazis, kiom da homoj, kion vi lernis)
bazajn pruvojn por gravaj elspezoj (ekz. kvitancoj aŭ pag‑konfirmoj), laŭbezone
des plibone se oni sendu mallongan artikolon al Usona Esperantisto por publikigado!

Tio protektas vin kaj la organizaĵon, kaj ĝi helpas al ni rakonti al la membraro: “Jen kiel la mono fariĝis reala movado.”

Invito al kluboj: proponu, testu, kreskigu

Se via klubo havas ideon — eĉ se ĝi ankoraŭ ne estas perfekte polurita — mi kuraĝigas vin submeti peton. Malgranda, bone planita subvencio povas esti la diferenco inter “ni volas fari ion” kaj “ni vere faris ĝin.”

Denove: jen la subvencipetilo.

The post Subvencioj por lokaj kaj regionaj kluboj (nova petilo!) appeared first on Esperanto-USA.

Esperanto-USA Anoncas Strategian Partnerecon por Subteni Retajn Kursojn de Esperanto por Usonaj Lernantoj

Quintyn Bobb — Wed, 24 Sep 2025 17:52:59 +0000

Esperanto-USA Announces Strategic Partnership to Support Online Esperanto Courses for U.S. Learners

Esperanto-USA has reaffirmed its mission to promote and educate the public about the international language Esperanto by announcing a new initiative in partnership with the London Esperanto Club’s established course program. Through financial support of their well-organized online course offerings, specifically those tailored to learners in the United States, Esperanto-USA aims to increase accessibility to high-quality language instruction.

Under this agreement, Esperanto-USA will provide funding for selected online courses that directly serve U.S.-based students. The supported classes will be scheduled at times convenient for American learners, such as weekday evenings or weekends.

The terms of support are as follows:

Only courses designed for U.S. learners and scheduled at times accessible to our membership will be eligible for funding.
Esperanto-USA will approve both the number of courses sponsored and the instructors selected to teach them.
Instructors will receive compensation of $25 per lesson, totaling $300 per standard 12-week session of weekly online classes, based on the current course structure. Payment will be issued by Esperanto-USA to the London Courses at the conclusion of each course cycle for instructor compensation.
Each supported course must enroll a minimum of five participants.
All instructors must be active members of Esperanto-USA.
The London Courses will be publicly acknowledged as being co-sponsored by Esperanto-USA.

This partnership represents a meaningful investment in the growth of Esperanto learning opportunities across the United States and strengthens international collaboration within the Esperanto community.

Esperanto-USA looks forward to the successful launch of these jointly supported courses and to welcoming more learners into the Esperanto movement.

Esperanto-USA reasertis sian mision promocii kaj eduki publikon pri la internacia lingvo Esperanto per anonco de nova iniciato en partnereco kun la establita kursprogramo de la Londona Esperanto-Klubo. Per financa subteno de iliaj bone organizitaj interretaj kursoj, specife tiuj adaptitaj al lernantoj en Usono, Esperanto-USA celas pliigi alireblecon al altkvalita lingvoinstruado.

Laŭ ĉi tiu interkonsento, Esperanto-USA provizos financadon por elektitaj interretaj kursoj, kiuj rekte servas usonajn studentojn. La subtenataj klasoj estos planitaj je tempoj oportunaj por usonaj lernantoj, kiel ekzemple labortagaj vesperoj aŭ semajnfinoj.

La kondiĉoj de subteno estas jenaj:

Nur kursoj destinitaj por usonaj lernantoj kaj planitaj je tempoj alireblaj por niaj membroj rajtos je financado.
Esperanto-USA aprobos kaj la nombron de sponsoritaj kursoj kaj la instruistojn elektitajn por instrui ilin.
Instruistoj ricevos kompenson de 25 dolaroj por leciono, entute 300 dolaroj por norma 12-semajna sesio de semajnaj interretaj klasoj, surbaze de la nuna kursstrukturo. Pago estos donita de Esperanto-USA al la Londonaj Kursoj ĉe la fino de ĉiu kursciklo por kompenso de instruistoj.
Ĉiu subtenata kurso devas enskribi minimumon de kvin partoprenantoj.
Ĉiuj instruistoj devas esti aktivaj membroj de Esperanto-USA.
La Londonaj Kursoj estos publike agnoskitaj kiel kunsponsoritaj de Esperanto-USA.

Ĉi tiu partnereco reprezentas signifan investon en la kreskon de lernado de Esperanto tra Usono kaj plifortigas internacian kunlaboron ene de la Esperanta komunumo.

Esperanto-USA antaŭĝojas pri la sukcesa lanĉo de ĉi tiuj komune subtenataj kursoj kaj bonvenigi pli da lernantoj en la Esperantan movadon.

The post Esperanto-USA Anoncas Strategian Partnerecon por Subteni Retajn Kursojn de Esperanto por Usonaj Lernantoj appeared first on Esperanto-USA.