Skip to main content

limako's blog

Eksigita

limako's picture

Je la 28a de aŭgusto, 2011 la nova prezidanto de Esperanto-USA, Orlando Raola, eksigis min kiel retpaĝestro kaj anstataŭis min per Trio, kiu, ekde tiam, prizorgas la retejon kaj gvidas sian evoluigon. Mi deziras al ili plenan sukceson.

by limako

Estraraj Diskutoj

limako's picture

La estraro de Esperanto-USA, kiu celas pli travideblan diskuton, nun ekuzas nian propran retpaĝaron por siaj diskutoj. Antaŭe, ni provis tiun sistemon por ĝeneralaj diskutoj, sed oni malmulte uzis ĝin dum la lastaj monatoj, do mi recelis ĝin por la estraro. La ĝenerala publiko ne plu rajtas komenti en tiuj diskutoj, sed ili povas legi. Baldaŭ mi ankaŭ proponos sistemon por reta balotado. Nia organizaĵo antaŭeniras!

by limako

UEA devas eliri el sia morta spiralo

limako's picture

Mi verkis novan artikolon por Libera Folio UEA devas eliri el sia morta spiralo. Plimalpli same mi dirus ankaŭ al E-USA.

by limako

UK Finiĝas

limako's picture

Kiel ventego, la semajno preterkuris. Okazis mia prelego, mia vojaĝo al Svedujo, kaj la lastaj tagoj de la kongreso. Mi trovas min, fakte, iom tro proksima al la eventoj por bone priskribi mian reagon, entute. Tamen, plejparte, mi povas diri ke ĝi estis unu el la plej imponaj spertoj de la vivo.

Mian prelegon mi originale proponis kiel parto de la Internacia Kongresa Universitato (IKU). La mian oni ne akceptis tiel, sed kiel parto de la "Kleriga Lundo". Mi lernis poste ke la IKU venas kun rabatita aliĝo al la kongreso kaj eĉ monpago. Pro tio ke mi jam uzis universitatan monon por veni, estis nenecesa ke mi ricevu plian subvencion ĉiaokaze, do mi ĝojas ke iuj en aliaj landoj (kiuj eble ilin bezonas) ricevis ilin.

Al mia prelego venis proksimume dudek. Kaj ne nur amikojn, tamen multaj amikoj ankaŭ estis tie. Prelegis samtempe Paul Gubbins dum la unua duonhoro kaj post tiam, kelkaj aliaj envenis ankaŭ.

by limako

Jam vendredo

limako's picture

Jam alvenas vendredo ĉe la Universala Kongreso. Baze, mi tre ĝuas la sperton kaj mi ĝojas ke mi venis. Okazis multon, tamen, kaj mi tro okupiĝis por pripensi aŭ kompreni ĝis nun. Jen kelkaj rimarkoj pri miaj unuaj ekkomprenoj:

La UK estas grandega kaj estas facile perdiĝi ĉe ĝi. Oni lernas Esperanton ĉar oni volas konatiĝi kun homoj el la tuta mondo, sed ne necese ekkoni novajn homojn ĉiujare. Multaj el la homoj ĉe la UK partoprenis jam multfoje kaj ili jam ekkonis homojn kaj volas renkonti ilin denove. Dum la unuaj kelkaj tagoj, estas multe da miksado, sed poste multaj el la etaj grupoj retiriĝas en si mem.

Okazas samtempe multaj aferoj kaj ne eblas trafi ĉion. Cetere, se vi volas viziti la urbon aŭ turisti vi eĉ pli multe mistrafos. Unu afero kiu mankas estas "fadenoj" aŭ klasoj de programeroj por helpi ke oni trovu ĉiujn "movadajn" aŭ "kulturajn" programerojn.

by limako

La UK Komencas

limako's picture

Mi endormiĝis iom frue vendrede, sed sukcesis dormi sufiĉe bone kaj leviĝis je bona horo por la mateno. Ĉe matenmanĝo, mi renkontis José Antonio Vergara, kiun mi gastigis ĉe mia domo antaŭ kelkaj jaroj. Li diris al mi ke li prelegis ĉe la ILEI simpozio kaj postulis ke mi venu, do mi ekiris por trovi la vojaĝon al la Universitato de Kopenhago. Survoje, mi renkonktis kelkaj aliaj homoj samcelaj kaj ni kune veturis per metroo kaj piede al la simpozio.

by limako

Survoje al la 2011 Universala Kongreso

limako's picture

Kiam mi instruis Esperanton pasintaŭtune, la universitato ne pagis min, sed provizis al mi iom da mono kiun mi rajtis elspezi por studado. Mi elektis elspezi ĝin por partopreni la Universalan Kongreson, ĉijare en Kopenhago. Mi frue aliĝis (en decembro) kaj aranĝis la flugadon kaj loĝadon (en marto).

by limako

Resumo de NASK kunsido

limako's picture

Ni kunsidis tuttage lunde en la angla pri NASK-planado. La diskuto estis vigla kaj ni pripensis precipe kiel ni atingis tiun ĉi punkton kaj kien ni volas iri de tie ĉi. Ni ankaŭ iomete parolis pri Lernu kaj SES, plejparte por diskuti kiel ni povas aŭ kune labori kun ili, kiel tio estus senchava, kaj kiel distingi nin de ili, por ke ni ne provu re-fari la saman laboron.

by limako

Estonteco de NASK

limako's picture

Dum la vintro, mi ricevis inviton de la NASK-teamo veni al kunsido por diskuti la estontecon de NASK. Oni organizis la kunsidon tuj post la fino de NASK ĉijare kaj mi alvenis iomete frue kaj povis adiaŭi multajn el la partiprenintoj antaŭ la kunsidoj komencis. (Mi ankaŭ havis tempon aĉeti iom da biero.) Post la vespermanĝo, ni enkondukis nin al la grupo kaj diskutis la historion de NASK.

Estas interesa grupo de homoj laŭ aĝo, sperto kaj vidpunkto: Ellen Eddy, Grant Goodall, kaj Lee Miller estas la plej gravaj el la nunaj organizantoj. Derek Roff estas ofta partoprenanto de NASK kaj estrarano de ESF. Jacob Schwartz kaj Erin Piateski estas aktivaj Esperantistoj kaj (speciale Erin) partoprenis la starigon de Lernu. Mar Cardenas kaj Stephen Cybulski estas pli antaŭnelongaj partoprenantoj de NASK (kaj estraranoj de E-USA). Nur dum la unua kunsido partoprenis ankaŭ Birke Dockhorn kaj Bertilo Wennergren -- ambaŭ instruis ĉi jare (kaj pasinte ankaŭ). Kaj venis mi.

by limako

Indiĝenaj Pepaĵoj

limako's picture

Nova retpaĝaro Indigenous Tweets atentigas lingvajn komunumojn ĉe la retservo twitter. Precipe, la celo estas helpi al uzantoj de maloftaj lingvoj trovi unu la alian. Nun 82 lingvoj estas subtenataj.

by limako

Contact us / Kontaktu Nin

Contact Us / Kontaktu Nin: eusa@esperanto-usa.org

Landa Kongreso * 2016 July 8 - 11 * Annual Congress

EO Esperanto: La Landa Kongreso okazos en Miamio, FL, Usono, 2016 julio 8-11.
Por aliĝi, vidu: Aliĝilo

EN English: The Annual US Esperanto Congress will be in Miami, FL, USA, 8 - 11 July, 2016.
To sign up, see: Registration

NASK * 2016 jun 28 - jul 7 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 28-a de Junio ĝis la 7-a de Julio ĉe Raleigh, Norda Karolino, ĉe la Universitato William Peace. Por vidi pli da detaloj aŭ aliĝi, kalketu ligilon NASK kaj KTF.

EN English: The excellent North American Esperanto Summer Courses (NASK), will be happening from June 28 to July 7, at William Peace University, in Raleigh, North Carolina. To see more details or sign up, click on NASK and KTF.

Poll

Which NASK is best for you?
one week ($800)
60%
two weeks ($1500)
14%
three weeks ($2100)
27%
Total votes: 635
Premium Drupal Themes by Adaptivethemes