Skip to main content

limako's blog

Supreniro kaj Malfalo de Esperanto

limako's picture

Dum pasintaj jaroj, mi kutimis verki iom pli longan kaj pensigan artikolon pri Esperanto por Esperanto-tago, sed ĉi jare mi iom okupiĝis (pro mia nova libro, la seminario en NovJorko, laboro, ktp) kaj ankaŭ mi vidis artikolon ĉe la Ondo al kiu mi sentis la bezonon respondi. Renato Corsetti verkis artikolon pri La Subeniro kaj Falo de UEA en kiu li pritraktas la malsukceson de UEA adaptiĝi al ŝanĝitaj cirkonstancoj de la reta epoko. La artikolo estas trafa kaj pensiga, sed restas de certa vidpunkto (tiu de UEA), dum laŭ mi plej gravas trakti ĝin de alia starpuntko (tiu de Esperanto mem), do mi verkis respondon, kiu aperas nun ĉe Libera Folio: Supreniro kaj malfalo de Esperanto. Ĝuu!

by limako

Esperanto Day Twitter-thon and Festivities

limako's picture

Esperanto speakers all over the world are celebrating Esperanto day today (Dec 15) with a twitter-thon. Twitter is a microblogging service where each post must fit in 140 characters. Everyone is invited to join in! I posted:

Steven D. Brewer "has #esperanto twitter followers in ar, au, be, br, ca, cl, co, cz, dk, uk, fi, fr, de, jp, kr, mx, my, nl, no, ru, sk, it, es, ae, ve, & us"

Next, I head to NYC for the Zamenhof Symposium.

by limako

Poŝtmarkoj el Esperantujo

limako's picture

Dum kelkaj semajnoj, mi prilaboris sekretan projekton: Mi eldonis libron Poŝtmarkoj el Esperanto. Ĝi enhavas miajn hajkojn kaj originalajn fotojn (kiujn mi redaktas por aspekti kiel poŝtmarkojn (el Esperantujo!))

Mi kontrolis ĉu iuj eldonistoj volis eldoni la libron, sed oni fakte apenaŭ povas gajni monon per tiaj libroj (speciale de nekonata aŭtoro), do mi simple faris ĉion mem, kiu estis (en si mem) tre interesa sperto.

La libron oni povas mendi ĉe la reto kontraŭ malpli ol $10 -- mirinda prezo por plen-kolora presado. Mi mendis kelkajn ekzempleron kaj esperas ke mi povos porti ilin por vendi ĉe la Zamenhofa Simpozio. (Ne estas certa ke ili venos sufiĉe rapide).

by limako

Speciala Gasto kaj mia kurso

limako's picture

Antaŭ du semajnoj, mi ricevis epoŝton de Oliver Grimm. Li diris ke li estas germano kiu restas en usono dum kelkaj semajnoj kaj ke li trovis mian adreson per PasportaServo, sed li ne bezonis tranoktadon -- li estis en la regiono kaj li proponis renkontiĝi. Montriĝis ke li estis en la sama urbo kie loĝas alia s-anoj, do mi kontaktis lin kaj proponis kune vespermanĝi. Mi invitis ankaŭ aliajn, sed estus nur ni tri kiuj alvenis ĉe la restoracio. Ni pasigis belan 'espermanĝon ĉe ĉina bufedo kaj babilis feliĉe en Esperanto.

by limako

Beletra Almanako

limako's picture

Mia frato avertis min ke nun eblas mendi BA 9 kiu enhavas la hajbunon kiun mi verkis. Montriĝas ke la tutan enhavon vi povas kontroli ĉe Mondial. Bonege! Mi nun prilaboras duan hajbunon.

by limako

Mia kurso mez-semestre

limako's picture

Mia kurso progresas bonorde. Ili lernas Esperanton! Eble tio ne estas surprizo al aliaj, sed estas vera miraklo al mi ke universitataj studentoj ĉe mi studas kaj lernas Esperanton.

Pasintasemajne la studentoj finis la Ana Pana kurso kaj ĉisemajne la tasko estis fari la Bazan Ekzamenon. Jam du el ili sukcesis. La ekzamenoj ĉe Lernu ja ne estas facilaj. Mi esperas ke ĉe la fino la plejmulto sukcesos je la Meza Ekzameno.

Ekde la venonta semajno, mi intencas instrui la kurson sen-krokodile. Nu -- fakte mi havas mian krokodileton kaj mi lasos ilin krokodili se ili tenas la krokodilon dum ili parolas. Ankaŭ mi, kompreneble.

Mi ja tre ĝuas la sperton kaj mi esperas ke mi instruos la kurson denove kiam eblos.

by limako

17a ARE

limako's picture

17a ARE 2010Lucy kaj mi veturis al Silver Bay kaj alvenis post notkiĝo je vendredo. La vetero estis belege. Ni babilis dum horo kun la aliaj fruaj alvenintoj kaj tiam enlitiĝis.

En la mateno, mi verkis dum kelkaj horoj je nova hajbuno. Dum la mateno, alvenis la aliaj kaj, en la posttagmezo komenciĝis la programon. Post bonvenigaj rimarkoj, Zdravka gvidis Literaturan Horon en kiu ĉiu povis priskribi libron kiun ili legis dum la pasinta jaro. Mi priskribis Bonvenon en nia Mondo. Francisko Lorrain prelegis pri lia lasta reviziado de La Eta Princo, kiun la Kanada Esperanto-Asocio re-eldonas. Francisko diskutis la aŭtoron, la aliaj du eldonoj de La Eta Princo, kaj la 14 monata laboro kiun postulis la nova re-eldono.

by limako

Aŭtuna Renkontiĝo kaj venonta TAKE

limako's picture

La Aŭtuna Renkoniĝo okazos post unu semajno en Silver Bay en Novjorko. Mi ricevis mesaĝon hieraŭ de James Rezende Piton kiu vizitos usono dum tiu semajno kaj, espereble, partoprenos almenaŭ parton de la semajno. Mi renkontis lin kiam mi vizitis Brazilon antaŭ kelkaj jaroj kaj li helpis min multflanke per miaj aranĝoj. Li estas brila esperantisto kaj mi ege esperas ke ĉio okazos sukcese por ke li venu kaj partoprenu. Se vi ankoraŭ ne decidis ĉu veni aŭ ne, nepre venu!

James estas unu el la organizantoj de la venonta 8a-TAKE (la estonta retpaĝaro), kiu okazas ĉijare kunekun la Brazila Kongreso de Esperanto. Oni komencas nomi la tuton la kongresego. Rigardu kie okazos la kongresego. Marku vian kalendaron!

by limako

Eĉ guto malgranda...

limako's picture

Gravurita Donaco-ŝtonoAntaŭ kelkaj jaroj, ĉe la Aŭtuna Renkontiĝo de Esperanto (kiu fakte baldaŭ kunvenos denove) la partoprenantoj donacis memoraĵon al la organizantoj, Normando Fleury kaj Zdravka Metz. Mi havis la honoron trovi la aĉetindan memoraĵon: mi trovis negocon kiu gravuras belajn granitajn ŝtonojn kun ajna mesaĝo. Antaŭ ol mi fordonis, mi faris bildon kiun mi afiŝis ĉe FLickr. Tio estas en 2006.

Antaŭ unudu semajnoj, mi ricevis peton el Francio de revuo kiu volas uzi la bildon kiel sia identigilo. Fakte, la permesilon por la bildo verŝajne permesus ke oni uzi ĝin tiel ĉiaokaze, sed mi feliĉe jesis ke ili uzu. Mi hodiaŭ kontrolis la revuon por vidi kia ĝi estas. Tre bele! Mi ĝojas ke ĝi povas esti utila. Mi aparte ĝuis la ĉefan artikolon: Dit à l'assemblée nationale: "porteuse d'un bel idéal"... -- bela artikolo kiu traktas la ŝanĝon -- plibonigon -- de sinteno pri Esperanto en francio dum cent jaroj. Mi speciale ĝuis kiel Google Translate tradukis unu el la lastaj frazoj: "In 1922 that France had scuppered the proposal of the Japanese Nitobe Inazo to the League." Oni malofte plu vidas la vorton "scupper".

by limako

Mia Esperanto-kurso

limako's picture

Hodiaŭ mi renkontis miajn studentojn por la dua fojo. Kia belega sperto! Ili ja vere lernas Esperanton! Je la unua fojo, ili ne estis komencinta, sed nun ili studas dum nur unu semajno. Sed kiom rapide ili lernas! Ni legis la unuan ĉapitron de Bonvenon en Nia Mondo kaj ili, preskaŭ sen mia helpo, jam bone povas legi Esperanton. Mi korektis iajn literojn: mi klarigis kiel diri "e" kaj "j" kaj "aŭ", sed eĉ la unua povis tute kompreneble legi Esperante. Kaj ili tradukis kaj nur bezonas helpon pri unuopaj vortoj! Poste mi estis preparinta "amuzajn demandojn". Mi havis stultajn demandojn kun bildoj, ekzemple "Ĉu vi trinkas sangon?" aŭ "Ĉu vi portas ŝuojn?" Ili devis diri nur "Jes, mi trinkas sangon" aŭ "Ne, mi ne portas ŝuojn" (aŭ inverse. :-) Por la lasta demando mi havas "Ĉu vi volas danci?" kiu estis ligilo al la kanto ĉe Youtube. Mi ludis tion por ke ili kaj vidu kaj aŭdu la vortojn.

by limako

Contact us / Kontaktu Nin

Contact Us / Kontaktu Nin: eusa@esperanto-usa.org

Landa Kongreso * 2017 June 30 - July 3 * Annual Congress

EO Esperanto: La Landa Kongreso 2017 okazos en Raleigh, Nord-Karolino, Usono, 2017 ekde la 30-a de junio ĝis la 3-a de julio, 2017.
Retpaĝaro: https://landakongreso.org
Por aliĝi, vidu: Aliĝilo

EN English: The Annual US Esperanto Congress 2017 will be in Raleigh, North Carolina, USA, Jun 30 - July 3, 2017.
Website: https://landakongreso.org
To sign up, see: Registration

NASK * 2017 jul 4 - 13 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 4-a de Julio ĝis la 7-a de Julio ĉe Raleigh, Norda Karolino, ĉe la Universitato William Peace. Por vidi pli da detaloj aŭ aliĝi, klaketu ligilon NASK.

EN English: The excellent North American Esperanto Summer Courses (NASK), will be happening from July 4 to 13th, at William Peace University, in Raleigh, North Carolina. To see more details or sign up, click on NASK.

Poll

Which NASK is best for you?:

Current Bloggers

Premium Drupal Themes by Adaptivethemes