Nova Esperanta literatura revuo: Karavelo

Mi ĵus trovis Karavelon--novan literaturan revuon en Esperanto pri portugala literaturo. Ĝi estas interesa, belaspekta eldonaĵo, atingebla senpage per reto en PDF-formo, kaj ankaŭ (ne senpage) en paper-formo.

Tradukita portugala poezio ŝajne estas la plej grava peco de ĉiu numero, sed ankaŭ estas poezio originale verkita en Esperanto, artikoloj pri portugala literaturo kaj pri tradukado el la portugala, kaj plu.

Mi ne legis ĉiun numeron, aŭ eĉ ĉiun artikolon en unu numero, sed la kvalito de kaj la literaturo kaj la Esperanto ŝajnas sufiĉe bona (krom troa uzado de nefundamentaj vortoj--kaj mi trovas tion ĉie).

Ili ankaŭ havas epoŝtan diskutgrupon. Bedaŭrinde, kiam mi kontrolis ĝin, la supra diskutfadeno estis pri la eksiĝo de listmembro pro grupgvidantaj postuloj pri neuzo de x-metodo. Ho, ve.

Flankigante tion, estas bona afero--esploru vi mem.