Vojaĝi al Kubo

Mi pasis kelkajn minutojn hodiaŭ por esplori la eblecon ke E-USA povus organizi permeson por vojaĝi al Kubo por la Universala Kongreso venontajare. La unuon de la registaro kiu regas tion havas paĝon kiu klarigas la politikon. Estas sufiĉi komplika. Mi trovis PDF dosieron kiu klarigas la 12 kategoriojn de permesita vojaĝado. Verŝajne la plej taŭga por E-USA estas "X. Activities of private foundations or research or educational institutes (§§ 515.560(a)(10) & 515.576)" (Agado de privataj fondaĵoj aŭ esploraj aŭ edukaj institutoj). Temas pri ne-profitcelaj organizaĵoj kun jama intereso pri internaciaj rilatoj por akiri informon pri Kubo. Tio lasta estas la plej grava punkto. Je la paĝo 57, estas ekzemploj pri permeseblaj kaj ne-permeseblaj agadoj kaj ŝajnas ke oni devas montri kaj historion pri internaciaj rilatoj kaj celo lerni pri Kubo mem. Laŭ mi, eble la plej fekunda ebleco temas pri la Amerika Komisiono, la Amerika Oficejo, kaj TAKE. Ni havas historion de kunlaboro, ni aprobis monon por la Amerika Oficejo (kvankam ĝi ne estis elspezita ĉar la oficejon UEA ne aprobis), kaj la estro de la Amerika Komisiono estas en Kubo.

Mi invitas aliaj esplori la dokumentojn kaj ekpripensi kiel ni povas peti permesilon por vojaĝi leĝe al Kubo por la Universala Kongreso venontajare.